ਇਕ ਸੱਚੇ ਸੁਚੇ ਰਿਸ਼ਤੇ ਦੇ ਨਾਮ

ਐਵੇ ਰੋਜ ਰੁੱਸ ਰੁੱਸ ਕੇ ਕੀ ਬਹਿਣਾ,

ਆ ਬਹਿਕੇ ਗੱਲ ਮੁਕਾ ਲਈਏ.

ਇਸ ਰਿਸ਼ਤੇ ਦੀ ਮਿਠੀ ਛਾਵੇ ਬਹਿ,

ਗੱਲ ਦਿਲ ਦੀ ਖੋਲ ਸੁਣਾ ਲਈਏ .

ਤੈਨੂੰ ਪਾਉਣ ਦੀ ਖਵਾਇਸ਼ ਮੇਰੀ ,

ਹੈ ਖਵਾਬਾਂ ਦੇ ਵਿਚ ਮਚਲ ਰਹੀ ,

ਹਾਲਤਾਂ ਤੇ ਮਜਬੂਰੀ ਵੱਸ ਪੈ ਕੇ

ਹੋ ਗਈ ਹੈ ਇਹ  ਜਫ਼ਰ ਜਹੀ.

ਮੈਂ ਕੀ ਜਾਣਾ ਤੂੰ ਮੈਨੂੰ ਆਪਣਾ ਮੰਨਿਆ ਹੈ,

ਜਾਂ  ਅਜੇ ਓਪਰਿਆਂ ਵਿਚ ਗਿਣਾਉਂਦੀ ਏ ,

ਪਰ ਮੇਰੇ  ਲਈ ਏ ਤੂੰ ਤਸਵੀਰ ਉਹ,

ਨਿੱਤ ਤਾਰਿਆਂ ਤੇ ਕੁਦਰਤ ਵਾਹੁੰਦੀ ਏ .

ਆਪਣਾ ਮੰਨ ਸਦਾ ਤੇਰੇ ਤੇ ,

ਅਸੀਂ ਹਕ਼ ਹਮੇਸ਼ਾ ਜਤਾਉਂਦੇ ਰਹੇ ,

ਤੇਰੀ ਖੁਸੀ ਲਈ ਕੀ ਕੁਝ ਕਰੀਏ ,

ਬਸ ਇਹੋ ਵਿਉਂਤ ਬਣਾਉਦੇ ਰਹੇ ,

ਇਹ ਖਾਮੋਸ਼ੀ  ਮੇਰੀ ਬੇਪਰਵਾਹੀ ਨਹੀ ,

ਮੇਰੀ ਗੁਜਰੀ ਜਿੰਦਗੀ ਦਾ ਪਰਛਾਵਾਂ ਹੈ ,

ਦਿਲ ਤੇ ਸਹੀਆਂ   ਪੀੜਾ ਦਾ ,

ਬਚਿਆ  ਪਿਆ ਸਿਰਨਾਵਾ  ਹੈ …

ਐਵੇ ਦੂਰ ਦੂਰ ਨਾ ਰਿਹਾ ਕਰ ,

ਗਿਲੇ ਸ਼ਿਕਵੇ ਜੋ  ਤੇਰੇ ਨੇ  ਸਾਹਵੇ  ਹੋ ਕੇ  ਕਿਹਾ ਕਰ ,

ਕੁਝ ਸਾਡੀਵੀ ਤੂੰ ਸੁਣਿਆ ਕਰ …

ਕੁਝ ਆਪਣੀ ਵੀ ਤੂੰ ਕਿਹਾ ਕਰ ……..